Unha mañá por Ferrolterra

Seguimos co reencontro. Un percurso mañaneiro por Ferrolterra, do miradouro do Monte Ventoso até o Cabo Prior, pasando polas praias de Doniños, San Xurxo e Covas: areais salvaxes que amosan a forza do Atlántico. ¡Que paisaxes!

E despois de encher os ollos e a alma, tocaba encher o bandullo. Escollemos A Gabeira, en Valón, onde saben moi, pero moi ben o que fan. Tremendo o centolo; excelentes os peixes (peixe sapo e robaliza) e unha adega moi ben poboada. O Zárate Balado do 17 de Eulogio Pomares estaba magnifico.

Planazo!